Стапнете во нашете последно ентериерно остварување каде ќе најдете повеќе од мебел – стил кој дефинира префинетост со секој чекор. Почнувајќи од влезниот портал, кој претставува композиција од различни форми изработени од оплеменета иверка со дезен на темен орев и беж акценти и кој го навестува амбиентот во преостанатиот дел од просторот. Модерната кујна изработена во комбинација од антрацитен камен и парсол стакло во која прецизно ги вградивме едни од најдобрите кујнски апарати создавајќи спој на стил и функционалност. Спалната соба заедно со сопствената бања кои ги дели само еден стаклен ѕид претставува вистинско прибежиште од брзиот начин на живот. Овде вградивме лизгачки плакари со делумно стаклени врати кои создаваат многу простор за складирање, но не го оптеретуваат просторот благодарение на изборот на материјали.